Su Troddiu, la scorreggia

Una poesia che farebbe rabbrividire persino Dante Aligheri che aveva destato scandalo con quella sua frase: «Ed elli avea del cul fatto trombetta.» Una laconica e buffa metafora che chiude il canto XXI.

A grande richiesta e per chiudere in bellezza la serata, pubblico una parte di una sublime poesia del poeta Antonio Congiu di Mamoiada.

troddiu

Su Troddiu

Maria non cheriada troddiare
e fiat tantu tempus costippada
pro paura de non lassare andare
s’odorosa e sonante troddiada
pro non cherrere a su Troddiu lassare
sa naturale troddona sonada
e si ch’est gonfiada che pallone
finas chi no a fattu unu troddone.

L’appo a tantas ripresas cussizzada
de lassare su Troddiu isfogare
ma tenia sa paura a lu sonare
pro no esserede iscandalizzada
este che una burrica diventada
a forza de tantos gas accumulare
finas a cando non li a dadu isfogu
a cuasi a su culu postu fogu.

Li nesi: ” a troddiare no est vrigonza”,
iscandalu non b’at ne disonore
troddian s’avvocadu e su dottore
ca s’isfogu a su corpus li bisonzat
e troddia su parde e i sa monza
Su pride su rettore e Mussennore
Su re, su Papa e su Cardinale
Troddian che a tottus uguale.

Deo chi so espertu in sa materia
connosco de su troddiu s’effettu
nd’appo sonadu e bettadu in segretu
de ogni calibru e de ogni seria
a troddiare no est cattiveria
contaggiosu non est e nè infettu
narat unu proverbiu anzianu:
” A culu troddione corpus sanu”.

Si intendene troddiande una persona
a zerta zente causa surprisa
pro issu non b’a gradu nen divisa
e ne distinzione nen corona.
Troddia sa contessa e sa marchisa
e sa dama de corte e sa barona
e sa cameriera e sa tzeracca
che la lassana andara tracca tracca.

Sas chi andana a missa su manzanu
sas preurissas e sas zirculinas
senza chi ti l’ispiego lu indovinas
si serrana sa trinza de su suttanu
e suni cun su rosariu a sa manu
cantende sas lettanias divinas
e lu lassana a lasinu e a s’iscusa
e sun pudias che una vuvuvsa.

No est su troddiu unu combustibile
ma so su corpus umanu est necessariu
ma si lu trattenides est contrariu
e bos gonfiades che su dirigibile
Sonada e cantada e est invisibile
est un armoniosu istradivariu
però si attraversu si collocada
istintinales disturbos provocada

Maria ses bella che una culumba
ti prego non ti ponzas a infastizzu
s’incuminzada su male pones pessu
ti consumada e ti riduidi a sa tumba
Cando de troddiare nd’as disizzu
arzia s’anca e sonala sa trumba
apperili sa janna chi s’iscappada
e si lu nuschede a chie l’azzappada

Tue Maria si ascurtasa a mie
comente sempere ascurtadu m’asa
si gana de troddiare asa oje in die
no lu trattenzasa in corpus a crasa
e cando gana de troddiare asa
lassalu alegramente e rie e rie
ca est pro tene salude e recreu
ascurta vene su cussizzu meu!.


(Visited 1.106 times, 76 visits today)

Lascia un commento